《人奶個案分享-舌繫帶過短tongue tight》
今次既個案有少少特別
唔只係肯唔肯埋身食/夠唔夠奶既問題😣
而係bb 先天舌繫帶過緊（圖1）😛
呢個係一個先天性既情況
其實唔嚴重的
比在係古代，係屋企幫你接生果個三姑六婆直頭會用指甲幫bb '咪'斷果條俐根👉🏻👈🏻
之後就可以食奶架喇
短俐根會影響食奶
因爲食人奶時bb俐仔要伸長去掃媽媽既乳暈位置加埋啜力，💋
將奶掃向自己個口（圖2）👶🏻👶🏻
短俐根令到bb只接觸到少部份乳暈
同埋條俐根會拉住棚下牙肉令到佢反射性成日咬媽媽既乳頭😬😬😬
而今次呢個bb就冇力啜奶奶
令到媽媽既乳房清空得唔足夠
從而上奶上得唔夠快
加上佢既奶泵size唔適合
令到媽媽奶產量唔足夠
成日比家人質疑唔夠奶比bb飲😩
講者無心，但比個咁努力去追奶既媽媽聽到其實好傷心架！😭😭😭
我第一次檢查乳房已經覺得好多奶塞左係入面
透過按摩加埋教導正確手渣奶方法
當晚媽媽產量已經多左一安
之後靠佢既努力，每次泵奶都過百以上🍼
對好多富媽黎講可能係易事，
但對於靠自己努力渣渣泵泵先得到呢個珍貴數字，🍼🍼🍼🍼
媽媽真係出左萬二分努力
為左唔好令bb出現乳頭混淆，
爸爸媽媽仲一直每日每餐用杯仔黎餵！
係幾咁費時費心力既一件事
所以我真係好欣賞佢地💓💓
Bb已經做好手術幾日
而家好努力學習緊正確既食奶方法
媽媽亦都好努力繼續去keep住奶量
希望情況繼續好轉，bb可以繼續食到珍貴既人奶
🔮🔮最近執媽學緊新技能，
就係香薰按摩
我第一次接觸呢位媽媽就感覺到佢好緊張，
因為家人既否定而令自己有負面情緒
所以我調左支按摩油比佢，幫佢按摩一d上奶既穴位
希望可以幫佢放鬆緊張心情同埋上多d奶喇～
其實對於人奶媽媽黎講，多一句肯定、多一句讚賞都係佢地堅持落去既原動力！
安挪媽媽！加油呀
#舌繫帶過短
#人奶媽
#呢個爸爸都好抵讚好幫得手
#港式執媽
#like埋ig
# hkmidwife
#有問題隨時問我
#like完share埋就錫哂你地喇
Search